ЦХИНВАЛ, 14 май - Sputnik, Плиты Фатимæ. Хуссар Ирыстоны карантины фæстæ йæ куыст сног кодта Автоскъола. Ахуыргæнæн центр кусы санитарон службæты домæнтæ æххæстгæнгæйæ, фехъусын кодта Sputnik йæ директор Кулиджанов Василий.
Ахуыргæнæн уагдон æрурæдта йæ куыст ХИПУ-йы фæстæ, кæцыйы дæлбар уæвынад кæны 2013 азы кæронæй фæстæмæ.
"Автоскьола йæ куыст райдыдты 12 майæ. Ахуыртæ цæуыц цыппар къордимæ, кæцыты æмткæй ахуыр кæны 120 адæймаджы. Урокты рæстæджы æххæст цæуынц санитарон службæты æппæт домæнтæ, ахуырдзаутæ дарынц маскæтæ, уæлæмхас хъусдард здæхт цæуы дезинфекцимæ", - банысан кодта Кулиджанов Василий.
Ахуырадон уагдон æрвылаз уадзы 300 специалисты бæрц. Автодром ис университеты кæрты. Ам фадат ис райсын скъæрыны бартæ А, B, C категорийы. Ахуыры æмгъуыд у дыууæ мæйы.
