15:05 14 СУСÆНЫ МÆЙ
 2020
Комкоммӕ эфир
  • EUR80.62
  • USD71.13
Хуссар Ирыстоны
Чысыл дӕнцӕг
23 0 0

Фӕлывдми саразыны фӕдыл уголовон хъуыддаг ныридӕгӕн бадӕттой тӕрхондонмӕ

ЦХИНВАЛ, 25 май – Sputnik, Козаты Диана. Хуссар Ирыстоны Цхинвалы районы Цӕрӕнуатон-коммуналон хӕдзарады (ЦКХ) хайады сӕргълӕууӕджы аххосджын кӕнынц фӕлывдми саразыны. Районон прокуратурӕ ныридӕгӕн барвыста уголовон хъуыддаг тӕрхондонмӕ зӕрдӕхсайгӕйы фӕдыл, хъусын кӕны генералон прокуратурӕйы пресс-службӕ.

Уагдоны банысан кодтой, уголовон хъуыддаг кӕй бакодтой Паддзахадон ӕдасдзинады комитеты басгӕрсты ӕрмӕджытӕм гӕсгӕ.

"Цхинвалы районы прокуратурӕ барвыста тӕрхондонмӕ уголовон хъуыддаг ЦКХ хистӕры фӕдыл, кӕцыйы аххосджын кӕнынц фӕлывдми саразыны", - банысан кодтой генералон прокуратурӕйы.

Фӕдагуырды рӕстӕджы сбӕрӕг кодтой, зӕгъгӕ, Цхинвалы администрацийы ЦКХ куыстыты бӕрцуат ӕмӕ аргъ, кӕцытӕ уыдон ӕххӕст кодтой Дменисы хъӕууон администрацийы бӕстыхайы, барӕй фӕфылдӕр кодтой 3,9 милуан сомы бӕрц.

"Прокуратурӕ хицӕн хъуыддагмӕ бахаста уголовон хъуыддаджы ӕрмӕджытӕ фӕлывдми саразыны фӕдыл, кӕцы сӕххӕст кодта Цхинвалы районы администрацийы ЦКХ прораб", - радзырдтой пресс-службӕйы.

Генералон прокуратурӕйы бафтыдтой, ныртӕккӕ кӕй уадзынц фӕдагурӕн ӕмӕ оперативон мадзӕлтты комплекс.

Сӕйраг темӕтӕ