08:48 09 СУСÆНЫ МÆЙ
 2020
Комкоммӕ эфир
  • EUR80.41
  • USD71.24
Хуссар Ирыстоны
Чысыл дӕнцӕг
9 0 0

Вирус сбӕрӕг кодтой иу медикӕн ӕмӕ дыууӕ курсантӕн. Фӕрынчынуӕвджытӕ иууылдӕр уыдысты изоляцийы, фехъусын кодтой санитарон уагдоны

ЦХИНВАЛ, 3 июн - Sputnik, Козаты Диана. Югосетпотребнадзоры лабораторийы ивгъуыд суткӕйы цы 20 тестӕй фылдӕр ауагътой, уыдонӕй ӕртӕ равдыстой вирусы уӕвынад, загъта Sputnik уагдоны сӕргълӕууӕджы хӕдивӕг Гаглойты Анна.

Республикӕйы 6 майӕ фӕстӕмӕ фӕрынчынуӕвджыты иумӕйаг нымӕц у 45. Уыдонӕй 31 адӕймаджы рафыстой рынчындонӕй.

"Фӕстаг тесттӕй иу равдыста вирусы уӕвынад медицинон уагдоны кусӕгӕн, иннӕ дыууӕ фӕрынчынуӕвӕджы сты курсанттӕ. Ӕртыккӕгӕм июны бӕрӕггӕнӕнтӕм гӕсгӕ, республикӕйы хоскӕнынад цӕуынц 13 рынчыны", - загъта Гаглойты Анна.

Уый банысан кодта, коронавирусӕй амӕйразмӕ чи фӕрынчын, уыдонӕй иу кӕй у ӕфсӕддон, кӕцы фӕуд кӕны хоскӕнынады курс йӕ хайады.

Ивгъуыд суткӕйы ауагътой 25 тесты, сӕ иумӕйаг нымӕц та у 1500-мӕ ӕввахс.

Ӕртыццӕджы райсоммӕ карантины сты 154 адӕймаджы, уыдонӕй фондз ӕххӕст кӕнынц хиизоляци хӕдзарон уавӕрты, аннӕтӕ сты алыгъуызон медицинон уагдӕтты.

Сӕйраг темӕтӕ