03:51 31 КÆФТЫ МÆЙ
 2020
Комкоммӕ эфир
  • EUR92.63
  • USD79.33
Хуссар Ирыстоны
Чысыл дӕнцӕг
37 0 0

Ахуыртӕ фадат ратдзысты хуссарирыстойнаг специалисттӕн сӕ квалификаци фӕбӕзонддӕр кӕнын. Курсыты хъусджытӕ сты республикӕйы ӕппӕт ветеринартӕ

ЦХИНВАЛ, 3 июн - Sputnik, Плиты Фатимӕ. Цхинвалы цӕуынц Хуссар Иры ветеринарийы фадыджы специалисттӕн онлайн-курстӕ. Ахуырадон нывӕзт ахӕсдзӕн къуырийы бӕрц ӕмӕ цӕуы ӕнӕаргъӕй, фехъусын кодта Sputnik "Югоссельхознадзор"-ы сӕрдар Мӕргъиты Алан.

Ахуыртӕ фадат ратдзысты хуссарирыстойнаг специалисттӕн сӕ квалификаци фӕбӕзонддӕр кӕнын. Курсыты хъусджытӕ сты республикӕйы ӕппӕт ветеринартӕ.

"Лекцитӕ цӕуынц II, III ӕмӕ IV къорды микроорганизмтимӕ ӕдасӕй кусын, анализтӕ сисын ӕмӕ сӕ лабораторимӕ фӕхӕццӕ кӕныны уагӕвӕрдыл. Ацы мадзӕлттӕ цас раст арӕзт ӕрцӕуой, уымӕй бӕрӕг уыдзӕн ахуыры хатдзӕг дӕр", - загъта Мӕргъиты Алан.

Лекцитӕ уадзынц Татарстаны, Краснодары ӕмӕ Ставрополы крайы хуыздӕр специалисттӕ Краснодары Кропоткины номыл медицинон лаборатори ӕмӕ Хуссар Иры "Югоссельхознадзор"-ы хсӕн бадзырды фӕлгӕтты.

"Архайдзыстӕм ахӕм ахуырадон нывӕзтытӕ адарддӕр кӕныныл. Сӕ сӕйраг нысан уыдзӕн нӕ ветеринарты профессионалон ӕмвӕзад фӕбӕрзонддӕр кӕнын ӕмӕ ӕмткӕй службӕйы куыст раразмӕ кӕнын", - бафтыдта уагдоны хистӕр.

Лекцитӕ цӕуынц республикон библиотекӕйы бӕстыхайы.

Сӕйраг темӕтӕ