Сӕйраджыдӕр практикӕ: къамисджыты конкурсы финалист Цхинвалӕй йӕ фидӕны нывӕзтыты тыххӕй

© history_faculty_uoguХетӕгкаты Руслан
Хетӕгкаты Руслан - Sputnik Хуссар Ирыстон
Рафыссын
Хетӕгкаты Русланы къам исын цымыдис кӕнын райдыдта скъолайы азты, фӕлӕ ныр хобби рахызт ахсджиаг хъуыддагмӕ

ЦХИНВАЛ, 10 июн – Sputnik, Хъуылымбегты Азӕмӕт. Тыбылты Александры номыл Хуссар Ирыстоны паддзахадон университеты историон факультеты студент Хетӕгкаты Руслан ссис II Респбуликон конкурс "Особый стиль"-ы финалист номинаци "Мир в объективе"-йы. Хетӕгкаты Руслан куыд фехъусын кодта Sputnik, афтӕмӕй уый арвыста конкурсмӕ къамтӕ, кӕцытӕ систа йӕ телефоныл.

"Фарон ӕз хайад истон аналогион конкурсы, уым бацахстон фыццаг бынат номинаци "Цхинвал сегодня"-йы, уӕд дӕр сӕ истон телефоныл", - загъта Хетӕгкаты Руслан.

Русланы ныхӕстӕм гӕсгӕ, къам исын ӕй цымыдис кӕнын райдыдта скъолайы азты, фӕлӕ ныр хобби рахызт ахсджиаг хъуыддагмӕ.

"Алцыдӕр сахуыр дӕн практикӕйы фӕрцы, никӕцы курсытӕм нӕ цыдтӕн", - банысан кодта уый.

Къамисæг Гæбæраты Неллийы ном сæнусон кæндзысты Цхинвалы - Sputnik Хуссар Ирыстон
Адæмон къамисæг Гæбæраты Неллийы ном сæнусон кæндзысты Цхинвалы

Фыццаг Руслан иста горӕт ӕмӕ ӕрдзы къамтӕ, ХИПУ-мӕ куы бацыд, уӕд райдыдта уадзын фотосесситӕ. Ныры онг уый ауагъта 15 фотосессийӕ фылдӕр.

Руслан куыд радзырдта, афтӕмӕй фидӕны уый нывӕнды балхӕнын фотоаппарат, фӕлӕ нырма йӕ зӕрдӕмӕ цӕуы исын къамтӕ телефоныл.

"Телефон бирӕ бынат нӕ ахсы, кӕдӕмфӕндыдӕр ӕй дӕ бон у ахӕссын ӕмӕ сисын рӕсугъд кадртӕ", - хъусын кӕны Руслан.

Ног хабӕртты лентӕ
0