Ныстуан фæдонтæм: альпинистæ схызтысты Къуыдары хохæфцæгмæ

© Photo : Тамерлан ТедеевНыстуан фæдонтæм: альпинистæ схызтысты Къуыдары хохæфцæгмæ
Ныстуан фæдонтæм: альпинистæ схызтысты Къуыдары хохæфцæгмæ - Sputnik Хуссар Ирыстон
Рафыссын
Фæндаггонты балц цыд ӕнусы размӕ цӕгатмӕ лигъдонты къахвӕндагыл, кæцытæ архайдтой сæхи бааууон кæнын гуырдзиаг меньшевиктæй, фæлæ дзы бирæтæ ам ссардтой сæ мæлæт

ЦХИНВАЛ, 21 июн – Sputnik, Плиты Фатимӕ. Ирон адӕмы геноциды 100 азы цытӕн альпинистты къорд схызт Хуссар Иры Къуыдары хохӕфцӕгмӕ, кӕцыйыл ӕнусы размӕ знагӕй бахизыны ныфсимӕ цыдысты цӕгатмӕ мингай адӕймӕгтӕ. Бӕлццӕттӕ ацы бынаты ныууагътой ирон адæмы геноциды фæдыл гæххæттытæ æртæ æвзагыл æмæ ссардтой æнусы размæ æрцæугæ трагедийы амæттæгты рухс нæмттæ, фехъусын кодта Sputnik къорды разамонӕг Тедеты Тамерлан.

© Photo : Из архива Тамерлана ТедееваНыстуан фæдонтæм
Ныстуан фæдонтæм: альпинистæ схызтысты Къуыдары хохæфцæгмæ - Sputnik Хуссар Ирыстон
Ныстуан фæдонтæм

Къуыдары хохӕфцӕг ис 3,148 бӕрзӕндыл, уырдæм альпинистты балц цыд ӕнусы размӕ цӕгатмӕ лигъдонты къахвӕндагыл.

"Къуыдары хохӕфцӕгмӕ балцы сфæлвæрдтам боныгъæды алыхуызон æууæлтæ: къæвда, дымгæ, хур æмæ мит дæр. Сцыды аххоссаг уыд трагикон датæ, фæлæ акци уыд æнæмæнгхъæуæг. Мах ссардтам ацы бæллæхы чи бабын ис, уыдон рухс нæмттæ", - загъта Тедеты Тамерлан. 

Йӕ ныхӕстӕм гӕсгӕ, ноджы ма иу къорд та сарӕзта балц Урс Туалгомы рдӕм.

© Photo : Из архива Тамерлана ТедееваНыстуан фæдонтæм: альпинистæ схызтысты Къуыдары хохæфцæгмæ
Ныстуан фæдонтæм: альпинистæ схызтысты Къуыдары хохæфцæгмæ - Sputnik Хуссар Ирыстон
Ныстуан фæдонтæм: альпинистæ схызтысты Къуыдары хохæфцæгмæ

2020 азы сӕдӕ азы ӕххӕст кӕны ирон адӕмы геноцидыл, кӕцы сарӕзта Гуырдзыстоны къухдариуӕгад 1920 ӕзты.

Ирӕтты геноциды амӕттӕгты Мысӕн бон нысан æрцыд 20 июны - 13 ирон коммунары гуырдзиаг ӕфхӕрджытӕ куы фехстой, уыцы цауы афӕдзы боны.

Зӕрдылдарӕн датӕ сфидар кӕныны фӕдыл барамынд марты бафыста президент Бибылты Анатолий.

© Photo : Из архива Тамерлана ТедееваВосхождение на Кударский перевал в память о жертвах геноцида осетинского народа
Ныстуан фæдонтæм: альпинистæ схызтысты Къуыдары хохæфцæгмæ - Sputnik Хуссар Ирыстон
Восхождение на Кударский перевал в память о жертвах геноцида осетинского народа
Ног хабӕртты лентӕ
0