Цхинвалы центры скуыста фонтан

© Sputnik / Natalia Airiyan Фонтан Путины уынгыл скверы
Фонтан Путины уынгыл скверы - Sputnik Хуссар Ирыстон
Рафыссын
Фонтан эсплуатацимӕ раттынӕн фадат нӕ уыд коронавирусы апарахат ма ‘руадзыны фӕдыл карантинон мадзӕлтты тыххӕй

ЦХИНВАЛ, 10 июл — Sputnik, Гӕбӕраты Элина. Скверы, кӕцы сарӕзтой националон стилы Цхинвалы центры, скусын кодтой фонтан. Ацы цаумӕ столицӕйы цӕрджытӕ ӕнхъӕлмӕ кастысты бирӕ рӕстӕг.

Сквер националон стилы сарӕзтой горӕты "Универмаг"-ы бынаты. Бӕстыхай басыгъд 2008 азы августы, уыцы аз ын ныппырх кодтой йӕ къултӕ дӕр.

Горӕты администрацийы пресс-службӕ куыд хъусын кӕны, афтӕмӕй улӕфӕн зонӕйы хӕрзарӕзтады куыстытӕ балхынцъ сты фарон: сӕвӕрдтой дзы бандӕттӕ, рауагътой рухс ӕмӕ сарӕзтой цъӕх зонӕтӕ. Уӕд сарӕзтой ног фонтан дӕр. Фонтан хъуамӕ скусын кодтаиккой сӕрды, фӕлӕ карантинон арӕнӕвӕрдтӕ бахъыгдардтой специалистты.

"Куыстыты фӕстӕ ауагътой тестон скуыст ӕмӕ сӕрды райдайӕны фонтан хъуамӕ скуыстаид. Фӕлӕ контролон скуыст аргъӕвтой, уымӕн ӕмӕ арӕны сӕхгӕды тыххӕй специалисттӕн сӕ бон нӕ уыд ӕмгъуыдмӕ ӕрцӕуын. Цыппӕрӕмы уыдон ӕрцыдысты, ауагътой ӕмбӕлон куыстытӕ ӕмӕ фонтан скуыста", - хъусын кӕны столицӕйы мэр Коцты Аланы ныхӕстӕ йӕ пресс-службӕ.

Путины уынгыл ма ноджы иу улӕфӕн бынат сарӕзтой раздӕры турбазӕ "Осетия"-йы цур. Горӕты къухдариуӕгад ацы ран сарӕзта сывӕллӕттӕн хъазӕн фӕзуат. Советон дуджы ацы ран уыд хӕрӕндон. Аварион бӕстыхай ныппырх кодтой. Путины уынджы хӕрзарӕзтад райдыдта 2019 азы сӕрды райдайӕны. Куыстыты фӕлгӕтты сарӕзтой дыууӕ улӕфӕн бынаты, сцалцӕг кодтой Леуахийы сӕрты хид, афтӕ ма сног кодтой брусчаткӕ Кады Аллейы.

© Sputnik / Natalia Airiyan Фонтан Путины уынгыл скверы
Фонтан Путины уынгыл скверы - Sputnik Хуссар Ирыстон
1/2
Фонтан Путины уынгыл скверы
© Sputnik / Natalia Airiyan Фонтан Путины уынгыл скверы
Фонтан Путины уынгыл скверы - Sputnik Хуссар Ирыстон
2/2
Фонтан Путины уынгыл скверы
1/2
Фонтан Путины уынгыл скверы
2/2
Фонтан Путины уынгыл скверы
Ног хабӕртты лентӕ
0