12:14 12 МАЙРÆМТЫ МÆЙ 2020
Комкоммӕ эфир
  • EUR85.92
  • USD73.15
Хуссар Ирыстоны
Чысыл дӕнцӕг
6 0 0

Хуссар Ирыстоны коронавирусы уавӕр нӕ ивы иу къуыри. Ног рынчынтӕ нӕй, карантины сты ӕрмӕстдӕр ӕрдӕг сӕдӕйӕ фылдӕр адӕймаджы

ЦХИНВАЛ, 16 июл - Sputnik, Козаты Диана. Хуссар Ирыстоны ивгъуыд цыппӕрӕмӕй нӕ бӕрӕг кӕнынц коронавирусӕй ног рынчынты. Дыууӕ ӕмбӕстаджы, кӕцытӕн ивгъуыд цыппӕрӕмы сбӕрӕг кодтой инфекци, дарддӕр цӕуынц хоскӕнынад стационары, фехъусын кодта Югосетпотребнадзоры сӕргълӕууӕджы хӕдивӕг Гаглойты Анна.

Майы райдайӕнӕй коронавирус бахӕцыд 87 адӕймагыл. Уыдонӕй 85 сӕнӕниз сты. Фӕрынчынуӕвджытӕн низ ацыд рог формӕйы, арӕнӕвӕрдон мадзӕлтты руаджы та вирус нӕ рахызт медицинон уагдӕттӕй.

"Ивгъуыд суткӕйы уавӕр нӕ фӕивта: стационары хоскӕнынад цӕуынц дыууӕ рынчыны, ног рынчынтӕ нӕй", - загъта Гаглойты Анна.

Дохтырты хъусдарды бын карантины сты 63 адӕймаджы.

Сӕйраг темӕтӕ