Хуссар Иры фæрогдæр кодтой тобæтæ Уæрæсеимæ арæныл

Рафыссын
Хуссарирыстойнаг-уæрæсейаг арæны сæрты ахизыл тобæтæ æвæрд ис ныр цыппар мæйы дæргъы. Уыцы рæстæджы республикæйы æмбæстæгты, кæцытæ баззадысты арæны æддейæ, ластой организацигонд къордтæй

ЦХИНВАЛ, 29 июл - Sputnik, Козаты Диана. Хуссар Ирыстоны хицауад аскъуыддзаг кодта фæрогдæр кæнын æмбæстæгты æрцыд республикæмæ, кæцытæн Уæрæсеимæ арæны сæхгæды тыххæй сæ бон нæу сæ хæдзæрттæм æрцæуын. Ахæм скъуыддзаг рахастæуыд дыццæджы оперативон штабы рабадтыл.

Коронавирус - Sputnik Хуссар Ирыстон
Хуссар Иры санитарон уагдоны фехъусын кодтой COVID-19-имӕ уавӕры тыххӕй

Хуссарирыстойнаг-уæрæсейаг арæны сæрты ахизыл тобæтæ æвæрд ис ныр цыппар мæйы дæргъы. Уыцы рæстæджы республикæйы æмбæстæгты, кæцытæ баззадысты арæны æддейæ, ластой организацигонд къордтæй. Уыимæ-иу уыдон рацыдысты æнæмæнгæй дыууæкъуырион карантин.

Ныр адæмæн фæзындзæн фадат æрыздæхын республикæмæ æнæ карантинæй, развæлгъау коронавирус рафæлгъауыны тыххæй тесттæ ратгæйæ. Тесттæ раттæн ис Цæгат Ирыстоны æртæ лабораторийы. Стæй уыдон хъæудзæн бавдисын Хуссар Иры ФХМ консуладмæ Дзæуджыхъæуы.

Бæстондæр информаци хицауад ратдзæн цæрджытæн æввахс рæстæджы.

"Дунейы уавæр нæу стабилон, Цæгат Ирыстоны дæр афтæ. Зын у, æмбарын æй, фæлæм ах хъæуы нæхи æмæ нæхиуæтты бахъахъхъæнын ацы вирусæй. Уымæ гæсгæ уæм сидын, цæмæй æмбарат ацы скъуыддзæгты æнæмæнгхъæуæгдзинад", - загъта президент Бибылты Анатолий, кæцыйы разамынадæй ацыд рабадт.

Йæ ныхæстæм гæсгæ, Цæгат Иры æнхъæлмæ кæсынц æрыздæхынмæ ноджы цыппарсæдæ адæймаджы. Президент ма банысан кодта, ацы схемæмæ гæсгæ архайын кæй райдайдзысты 1 августæй фæстæмæ.

Ног хабӕртты лентӕ
0