12:50 21 КÆФТЫ МÆЙ
 2020
Комкоммӕ эфир
  • EUR91.56
  • USD77.78
Хуссар Ирыстоны
Чысыл дӕнцӕг
36 0 0

Паддзахадон радио нӕ куыста иу азы бӕрц, йӕ куыст срӕвдз кӕнынӕн финансон фӕрӕзтӕ хицӕн ӕрцыдысты паддзахады сӕргълӕууӕг Бибылты Анатолийы сӕрмагонд хыгъдӕй, дыууӕ ног передатчик сӕ ифтонгадимӕ слӕууыдысты 900 мин соммӕ ӕввахс

ЦХИНВАЛ, 31 июл – Sputnik, Плиты Фатимӕ. Иу азы фӕстиаты фӕстӕ йӕ куыст срӕвдз кодта Хуссар Ирыстоны паддзахадон радио "Ир". Дзыллон информацийы фӕрӕзӕн балхӕдтой сигналдӕттӕн передатчик, кӕй аххосӕй къуылымпы кодта куыст, фехъусын кодта Sputnik бастдзинады комитеты разамонӕг Джиголаты Хасан.

Хуссар Ирыстоны паддзахадон радио ахицӕн ивгъуыд аз августы райдайӕны, 102,3 улӕныл йӕ фидиуӕнӕн ӕвзӕр гъӕд кӕй уыд, уый аххосагӕй. Фӕстӕдӕр радио бафӕлвӕрдтой скусын кӕнын ӕндӕр улӕныл, фӕлӕ уым дӕр бӕллиццаг нӕ уыд.

"Радио "Ир" 100 ваттон передатчик куыста 1996 азӕй фӕстӕмӕ ӕмӕ рӕстмӕ нал куысты, кӕцыдӕр бынӕттыл ацы улӕныл ахста гуырдзиаг радио. Ныр президенты сӕрмагонд хыгъдӕй рахицӕнгонд финансон фӕрӕзтӕй самал кодтой дыууӕ передатчикы, уыдонӕй алкӕцыйы тых дӕр у фондз хатты тыхджындӕр зӕрондӕй",- загъта Джиголаты Хасан.

Ныридӕгӕн радио цӕуы эфиры 102,3 улӕныл, фидиуӕн аххӕссыд столицӕ ӕмӕ йӕ алыварс хъӕутыл, специалисттӕ сӕвӕрдтой передатчиктӕй иу.

"Передатчиктӕй иу у фӕстауӕрцон, фӕлӕ уый дӕр ӕвӕрд ӕрцӕудзӕн. Ныридӕгӕн паддзахадон радиостанцы разамынадимӕ скъуыддзаг кӕнӕм, кӕцы районы хуыздӕр уыдзӕн сӕвӕрын - Дзауы ӕви Знауыры", - бафтыдта уый.

Радио "Ир" у республикæйы иууыл рагондæр дзыллон информацийы фæрæзтæй иу - фыццаг хатт айзӕлд 1932 азы 11 апрелы.

Сӕйраг темӕтӕ