ЦХИНВАЛ, 7 авг – Sputnik, Козаты Диана. Хуссар Ирыстоны иу суткӕмӕ не сбӕрӕг кодтой коронавирусӕй ног рынчынты, фехъусын кодта Югосетпотребнадзоры сӕргълӕууӕджы хӕдивӕг Гаглойты Анна.
Майы райдайӕнӕй республикӕйы сбӕрӕг кодтой 89 фӕрынчынуӕвӕджы, уыдонӕй 88 сӕнӕниз сты. Хоскӕнынад дарддӕр цӕуы иу медицинон кусӕг, кӕцы куыста "сырх зонӕйы".
"Ног рынчынтӕ нӕй. Медицинон хъусдарды бын карантины сты 223 адӕймаджы", - загъта Гаглойты Анна.
Санитарон уагдоны ауагътой цыппар минмӕ ӕввахс багсӕрсты.
Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.
