Цхинвалы хӕдтулгӕ сӕмбӕлд галыл – иу адӕймаг райста буары цӕфтӕ

© Photo : Юрий БетеевЦхинвалы хӕдтулгӕ сӕмбӕлд галыл
Цхинвалы хӕдтулгӕ сӕмбӕлд галыл - Sputnik Хуссар Ирыстон
Рафыссын
Хуссар Ирыстоны столицӕйы кӕроны ФТЦ фӕстиуӕгӕн бахъыгдард сылгоймаг, кӕцыйы буары цӕфтимӕ аластой рынчындонмӕ

ЦХИНВАЛ, 9 окт – Sputnik, Козаты Диана. Цхинвалы цӕгаттаг кӕрон цыппӕрӕмы ӕрцыд авари, хӕдтулгӕ сӕмбӕлд галыл, кӕцы рахызт фӕндагмӕ, радзырдта Sputnik цауы цӕстӕйфенӕг Бететы Юрий.

Фӕндагон-транспортон цау (ФТЦ) ӕрцыд 19.00 сахатыл, столицӕйы микрорайон "Цӕгаттаг"-ы бирӕуӕладзыгон хӕдзӕртты цур.

"Шофыр скъӕрдта ӕмбӕлон фӕткмӕ гӕсгӕ. Фос ралыгъд фӕндаггӕронӕй, фӕлӕ нӕлгоймаг сырӕхст аскъӕрын йӕ цурты. Уый ӕнхъӕл нӕ уыд, йӕ фӕстӕ дыккаг кӕй рагӕпп кӕндзӕн", - радзырдта Бететы Юрий.

Хӕдтулгӕйы шофырӕй дарддӕр уыд иу пассажир – сылгоймаг. Уыдоны буары цӕфтимӕ аластой рынчындонмӕ, фӕлӕ сӕ цӕрдӕн ницы тас ис.

Столицӕйы цӕгаттаг микрорайонты цӕрджытӕ бирӕ хатт хъусын кодтой ӕнӕ хъусдард фосы тыххӕй, кӕцы у фермеры Монастеры хъӕуӕй. Фос халы бирӕуӕладзыгон хӕдзӕртты кӕртытӕ, афтӕ ма хӕссы тӕссагдзинад шофыртӕн.

© Photo : Юрий БетеевЦхинвалы хӕдтулгӕ сӕмбӕлд галыл
Цхинвалы хӕдтулгӕ сӕмбӕлд галыл – иу адӕймаг райста буары цӕфтӕ - Sputnik Хуссар Ирыстон
Цхинвалы хӕдтулгӕ сӕмбӕлд галыл

Фарон ноябры уыцы фермеры гал ссис ноджы иу аварийы аххосаг – ууыл сӕмбӕлд ленк кӕныны тренер Евгения Терлеевайы хӕдтулгӕ. Сылгоймаг бахъаст кодта фермерыл ӕмӕ рамбылдта хъуыддаг.

Ног хабӕртты лентӕ
0