11:06 23 КÆФТЫ МÆЙ
 2020
Комкоммӕ эфир
  • EUR91.36
  • USD77.08
Хуссар Ирыстоны
Чысыл дӕнцӕг
210 0 0

Дыццӕджы Хуссар Ирыстоны социалон хызӕгты пайдагӕнджытӕ фӕдис кӕнынц Зонкъары донӕмбырдгӕнӕны уавӕры тыххӕй

ЦХИНВАЛ, 13 окт — Sputnik, Плиты Фатимӕ. Хуссар Ирыстоны бӕрнон уагдӕтты бамбарын кодтой Зонкъары цад цӕмӕн раавфтид ис донӕй.

Дыццӕджы Хуссар Ирыстоны социалон хызӕгты пайдагӕнджытӕ фӕдис кӕнынц Зонкъары донӕмбырдгӕнӕны уавӕры тыххӕй. Цадӕн ма донӕй йӕ быны аззад иу мур.

Сӕ хъусинаджы уыдон бӕрӕг кӕнынц цады цы кӕсаг ис, уымӕн йӕ мыггаг кӕй скуынӕг ис, дзурынц Гуырдзыстонимӕ баныхасыл.

Ӕрдзон ресурсты комитеты хистӕр Бестауты Балайы ныхӕстӕм гӕсгӕ, донӕмбырдгӕнӕны уавӕрӕн ис дыууӕ аххосаг, уыдонӕй экологийӕн стыр зиан ницы рахӕсдзӕн.

"Зонкъары донӕмбырдгӕнӕны уадзӕны гуырахст фӕфылдӕр кодтой ИӔАМ фембылды рӕстӕджы бадзырдты фӕлгӕтты. Гуырдзыстоны рдӕм стырдӕр доны гуырахст ауагътой, цӕмӕй Цъинагары зонӕйӕн донхӕры дон радтой. Фӕлӕ уый аххосӕй нӕ раавфтид донӕмбырдгӕнӕн. Дон ауагътой, цӕмӕй разына йӕ донуадзӕн механизм, кӕцы хъуамӕ сахуыр кӕной специалисттӕ",- загъта Бестауты Бала.

 Уый ма бахахх кодта, уый уадиссаг ницы разинаг кодта кӕсаджы мыггагӕн дӕр, уымӕн ӕмӕ сӕ лӕппын ацӕуы уӕлӕмӕ - цӕугӕдоны ратӕдзӕнты рдӕм.

ИӔАМ-ы фембӕлды фӕлгӕтты цы сразыдзинад сфидар кодтой, уый бамбарын кодта Sputnik фембӕлдты Хуссар Ирыстоны делегацийы сӕрдар Коцты Егор.

"Афтӕ хуынгӕ Тирипоны канал Гуырдзыстон донӕй йедзаг кӕны йӕхи хӕрдзты фаг. Цӕмӕй Хуссар Ирыстоны Цъинагары зонӕйы донхӕры дон исой, уый тыххӕй мах нӕ фембӕлдты фӕлгӕтты аскъуыддзаг кодтам Чысыл Леуахийы доны гуырахст фестырдӕр кӕнын Зонкъары донӕмбырдгӕнӕнӕй", - загъта Коцты Егор.

Уыимӕ иумӕ ма уый бафиппайдта, Зонкъары донӕмбырдгӕнӕн донӕй кӕй раавфтид кодтой ӕндӕр аххосагӕй.

Хуссар Ирыстоны арӕзтады министрады пресс-службӕйы хъусинагӕй куыд бӕрӕг у, афтӕмӕй донӕмбырдгӕнӕн ауагътой, цӕмӕй фадат радтой платина специалисттӕн басгарынӕн.

"Арӕзтады министрад райста хӕслӕвӕрд сахуыр кӕнын Зонкъары донӕмбырдгӕнӕн, цӕмӕй сбӕлвырд кӕной йӕ ӕдасдзинад. Уӕрӕсейаг специалисттӕ басгарстой, плотинӕйы бын тоннель фенынӕн бахъуыд дон ауадзын. Йӕ уавӕры тыххӕй специалисттӕ сӕ хатдзӕг фехъусын кӕндзысты ноябры", - загъта уагдоны пресс-секретарь Тедеты Алена.

 Зонкъары донӕмбырдгӕнӕн фӕстаг ӕзт ауагътой иу хатт, уӕд дӕр ахуыр кодтой платинайы уавӕр.

Сӕйраг темӕтӕ