06:09 26 ДЖЕОРГУЫБАЙЫ МÆЙ
 2020
Комкоммӕ эфир
  • EUR89.89
  • USD75.47
Хуссар Ирыстоны
Чысыл дӕнцӕг
7 0 0

Хуссар Ирыстоны Уӕрӕсеимӕ арӕны баконды фӕстӕ коронавирус сбӕрӕг кодтой 206 адӕймагӕн, эпидемийы райдайӕнӕй та 296 ӕмбӕстагӕн

ЦХИНВАЛ, 19 окт – Sputnik. Гӕбӕраты Элина. Хуссар Ирыстоны ивгъуыд суткӕйы сбӕрӕг кодтой коронавирусӕй 12 рынчыны, фехъусын кодта Sputnik республикӕйы сӕйраг санитарон дохтыр Коцты Марина.

Уый банысан кодта, иу суткӕмӕ кӕй сарӕзтой 60 басгӕрсты, уыдонӕй 12 радтой ӕвӕрццаг фӕстиуджытӕ.

Республикон бирӕпрофилон медицинон центры иинфекцион хайады фехъусын кодтой Sputnik, стационары кӕй сты 51 пациенты коронавирусы диагнозимӕ.

Уый размӕ Коцты Марина ӕрсидт цӕрджытӕм, цӕмӕй сӕхи хизой бирӕ адӕмы ӕмбырды бынӕттӕм цӕуынӕй, ӕххӕст кӕной санитарон службӕты рекомендацитӕ ӕмӕ рынчыны симптомтӕ куы рахатой, уӕд сӕхи ахибар кӕной ӕмӕ фӕдзурой дохтырмӕ хӕдзармӕ.

Сабаты фехъусын кодтой, коронавирусӕй кӕй фӕрынчын сты президент Бибылты Анатолий ӕмӕ хицауады сӕрдары хӕстӕ ӕххӕстгӕнӕг Бекъойты Геннадий.

Республикӕйы карантин бакодтой ӕртӕ скъолайы - гимназ"Альбион", Аивӕдты лицейы ӕмӕ дыккӕгӕм скъола, стӕй ма ӕртӕ сабидоны горӕт ӕмӕ районты.

Хуссар Ирыстоны Уӕрӕсеимӕ арӕны баконды фӕстӕ коронавирус сбӕрӕг кодтой 206 адӕймагӕн, эпидемийы райдайӕнӕй та 296 ӕмбӕстагӕн.

Сӕйраг темӕтӕ