06:33 26 ДЖЕОРГУЫБАЙЫ МÆЙ
 2020
Комкоммӕ эфир
  • EUR89.89
  • USD75.47
Хуссар Ирыстоны
Чысыл дӕнцӕг
4 0 0

Хуссар Ирыстоны пандемийы райдайӕнӕй сбӕрӕг кодтой 362 рынчыны коронавирусӕй. Ныртӕккӕ инфекцион хайады ис 47 адӕймаджы, сывӕллӕтты рынчындоны та 65 пациенты коронавирусы диагнозимӕ

ЦХИНВАЛ, 22 окт – Sputnik, Козаты Диана. Хуссар Ирыстоны иу суткӕмӕ сбӕрӕг кодтой коронавирусӕй ноджы 25 рынчыны, фехъусын кодта республикӕйы сӕйраг санитарон дохтыр Коцты Марина.

COVID-19-имӕ уавӕр республикӕйы февзӕрдӕр ис сентябры ӕмбисӕй, уӕдӕй фӕстӕмӕ низ бахӕцыд 272 адӕймагыл.

"Лабораторон басгӕрстты фӕстиуӕгӕн рабӕрӕг кодтам ноджы 25 рынчыны коронавирусӕй", - загъта Коцты Марина.

Йӕ ныхӕстӕм гӕсгӕ, инфекцион хайады ис 47 адӕймаджы, сывӕллӕтты рынчындоны та хоскӕнынад цӕуынц 65 пациенты коронавирусы диагнозимӕ.

Уый банысан кодта, республикӕйы кӕй уыд тесттӕ ауадзынӕн хардзгӕнӕн ӕрмӕджытимӕ проблемӕ.

"Махмӕ нал уыд хардзгӕнӕн ӕрмӕджыты иу хуыз. Абон уыдон ӕрласдзысты", - бафтыдта Югосетпотребнадзоры сӕргълӕууӕг.

Республикӕйы карантиныл сӕхгӕдтой скъолатӕ, цалдӕр сабидоны, колледж, музыкалон ахуыргӕнӕндӕттӕ ӕмӕ ХИПУ. Ахӕм скъуыддзаг рахастой коронавирусимӕ уавӕры тыххӕй, афтӕ ма сезонон грипп ӕмӕ КРВИ-йӕ рынчынты нымӕцы фӕфылдӕры тыххӕй.

Сӕйраг темӕтӕ