16:22 03 ЦЫППУРСЫ МÆЙ 2020
Комкоммӕ эфир
  • EUR91.19
  • USD75.20
Хуссар Ирыстоны
Чысыл дӕнцӕг
6710

Уæрæсейы ӕфсӕддон-быдырон госпиталы хæлцады хайады хистæры ныхæстæм гæсгæ, хæрзад хуынимæ сæ куыст цæудзæн рæвдздæр

ЦХИНВАЛ, 30 окт - Sputnik, Плиты Фатимæ. Аграрон хӕдзарад "Южной сад" балæвар кодта 30 асыкк фæткъуытӕ уæрæсейаг ӕфсӕддон-быдырон госпиталӕн, кӕцы ӕрбынат кодта Цхинвалы стадионы коронавирусӕй рынчынтӕн хос кӕныны нысанӕн.

Амалиуæгады минæвæрттæ мæйрæмбоны баластой сæ тыллæгæй медиктæн æмæ сæ рынчынтæн.

Мобильному полевому госпиталю передали яблоки
© Sputnik / Наталья Айриян
Амалиуæгады минæвæрттæ мæйрæмбоны баластой сæ тыллæгæй медиктæн æмæ сæ рынчынтæн

"Ацы адæм нын æрцыдысты æххуысмæ ӕмӕ мах дӕр аскъуыдзаг кодтам, нæ бон цæмæй у, уымæй сын балæггад кæнын. Ацы бонты медиктæ удуæлдай куыст кæнынц, стыр уæз цæуы тагъд ӕххуысы службæйыл,  уымæ гæсгæ уыдонæн дæр æртыккаг хатт абон ласæм фæткъуытӕ",- загъта Sputnik амалиуæгады минæвар.

Уæрæсейы ӕфсӕддон-быдырон госпиталы хæлцады хайады хистæры ныхæстæм гæсгæ, хæрзад хуынимæ сæ куыст цæудзæн рæвдздæр.

"Хæлцадæй стæм хорз ифтонг, фæлæ хæрзад фæткъуыйӕ медиктæ æмæ æфсæддонтæ райгондӕй ацаходдзысты. Кусæм æртыккаг бон, 18 пациенты ис нæ бæрны", - загъта хистæр лейтенант Рим Аймидинов.

Хуссар Ирыстоны егъау хъӕууонхӕдзарадон амалиуӕгадӕн уый сӕ иунӕг гуманитарон акци нӕу. Амалиуæгад "Южный сад " ныр дыккаг аз йæ тыллӕджы иу хай дæтты скъолатӕн ӕмӕ сабидӕттӕн Цхинвалы, ХИПУ-йӕн, колледжтӕн, Зӕрӕдты хӕдзарӕн ӕмӕ ӕххуысхъуаг бинонтӕн. Ӕххуысы иу гуырахст та цæуы ӕнӕниздзинад хъахъхъӕнынады хаххыл.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

  • Бынæттон амалиуæгад радта сæ тыллæгæй  уæрæсейг æфсæддон госпиталæн
    Бынæттон амалиуæгад радта сæ тыллæгæй уæрæсейг æфсæддон госпиталæн
    © Sputnik / Наталья Айриян
  • Бынæттон амалиуæгад радта сæ тыллæгæй  уæрæсейг æфсæддон госпиталæн
    Бынæттон амалиуæгад радта сæ тыллæгæй уæрæсейг æфсæддон госпиталæн
    © Sputnik / Наталья Айриян
  • Бынæттон амалиуæгад радта сæ тыллæгæй  уæрæсейг æфсæддон госпиталæн
    Бынæттон амалиуæгад радта сæ тыллæгæй уæрæсейг æфсæддон госпиталæн
    © Sputnik / Наталья Айриян
1 / 3
© Sputnik / Наталья Айриян
Бынæттон амалиуæгад радта сæ тыллæгæй уæрæсейг æфсæддон госпиталæн

Сӕйраг темӕтӕ