ЦХИНВАЛ, 4 ноя - Sputnik. Хуссар Ирыстоны Ӕнӕниздзинад хъахъхъӕныны министрад бакодта "комкоммӕ лини", кӕцымӕ фӕдзургӕйӕ цӕрджытӕ райсдзысты консультативон ӕххуыс коронавирусимӕ тохы фӕдыл. Президент ӕмӕ хицауады пресс-службӕ куыд хъусын кӕны, афтӕмӕй республикон бирӕпрофилон медцентрмӕ бадзурӕн ис ахӕм номыртыл: +7(929)810-30-97.
Уымӕй дарддӕр ма кусы "Югосетпотребнадзор"-ы лини дӕр – специалисттӕ дзуаппытӕ дӕттынц цӕрджыты фарстытӕн коронавирусимӕ тохы фӕдыл, ахӕм номыртӕм бадзургӕйӕ: +7(929) 805 88 96 кӕнӕ +7 (929) 810 60 96.
Хуссар Ирыстоны коронавирусӕй рынчынты нымӕц фылдӕр кӕнын райдыдта 15 сентябры Уӕрӕсеимӕ арӕны баконды фӕстӕ. Уый размӕ республикӕмӕ ӕрцӕуӕггӕгтӕ иууылдӕр хъуамӕ рацыдаиккой ӕнӕмӕнг дыууӕкъуырион карантин. Ацы мадзалы руаджы Хуссар Ирыстоны фондз мӕймӕ сбӕрӕг кодтой ӕрмӕстдӕр 90 рынчыны коронавирусӕй. Карантины фӕстӕ республикӕйы сбӕрӕг кодтой коронавирусӕй иу мин рынчынмӕ ӕввахс, 11 адӕймаджы амардысты.
