Иумӕйаг бӕллӕх: Хуссар Иры президенты уырны, депутаттӕ райсдзысты ивындзинӕдтӕ бюджетмӕ

© Sputnik / Natalia AiriyanРХИ парламент
РХИ парламент - Sputnik Хуссар Ирыстон
Рафыссын
Хуссар Ирыстоны хицауад рахицӕн кодта 62 милуан сомы коронавирусы ныхмӕ тохӕн, фӕлӕ цӕмӕй бюджетмӕ ивындзинӕдтӕ сӕ тыхы бахизой, уый тыххӕй сӕ хъуамӕ сфидар кӕна парламент

ЦХИНВАЛ, 11 ноя – Sputnik, Козаты Диана. Президент Бибылты Анатолийы уырны, парламенты депутаттӕ кӕй ӕрӕмбырд уыдзысты сессимӕ ӕмӕ сфидар кӕндзысты ивындзинӕдтӕ бюджетмӕ.

Хуссар Иры парламент - Sputnik Хуссар Ирыстон
Хуссар Иры компарти хорзыл банымайдзӕн ивындзинӕдтӕ бюджетмӕ

Хуссар Ирыстоны хицауад рахицӕн кодта 62 милуан сомы коронавирусы ныхмӕ тохӕн, фӕлӕ цӕмӕй бюджетмӕ ивындзинӕдтӕ сӕ тыхы бахизой, уый тыххӕй сӕ хъуамӕ сфидар кӕна парламент.

"Ӕз зонын, депутаттӕ кӕй сты сӕ фыдыбӕстӕйы патриоттӕ. Депутаттӕ, кӕцытӕ фехъусын кодтой, сӕ куыстмӕ кӕй нӕ рахиздзысты, уыдон дӕр хӕцӕнгарзимӕ хъахъхъӕдтой сӕ адӕмы. Уырны мӕ, уыдон кӕй райсдзысты ивындзинӕдтӕ бюджетмӕ. Алкӕмӕндӕр нӕ ис рынчынтӕ нӕ хиуӕттӕ, сыхӕгтӕ кӕнӕ ӕмбӕлтты хсӕн, уый фӕдыл депутаттӕ хъуамӕ ӕнӕмӕнг ӕрбацӕуой ӕмӕ схъӕлӕс кӕной", - загъта Бибылты Анатолий йӕ эксклюзивон интрвьюйы Sputnik-ӕн.

Йӕ ныхӕстӕм гӕсгӕ, кӕд ӕмӕ депутаттӕ ма сфидар кӕной ивындзинӕдтӕ бюджетмӕ, уӕд республикӕйы къухдариуӕгад бафӕлвардзӕн ӕндӕр варианттӕ.

"Ӕхцайы фӕрӕзтӕ хостӕ ӕмӕ ӕнӕмӕнгхъӕугӕ ифтонггарзӕн мах ссардзыстӕм цыфӕнды ма ‘рцӕуа, уӕддӕр", - бафтыдта президент.

Амӕйразмӕ парламенты фыццаг вице-спикер Гасситы Петр загъта, депутаттӕ гӕнӕн ис кӕй ӕрӕмбырд уой сессимӕ ацы къуыри.

Ног хабӕртты лентӕ
0