Меценаттӕ гуманитарон ӕххуыс бакодтой районон рынчындонӕн Хуссар Иры

© МВД РЮОДзауы районы рынчындон
Дзауы районы рынчындон - Sputnik Хуссар Ирыстон
Рафыссын
Гуманитарон ӕххуыс ӕрырвыстой горӕт Дзӕуджыхъӕуы муниципалитеты разамонӕг Икъаты Русланбег ӕмӕ Ставрополы ирон диаспорӕйы сӕрдар Уататы Тамерлан

ЦХИНВАЛ, 10 дек – Sputnik, Тъехты Дзерассӕ. Хуссар Ирыстонмӕ ацы бонты ӕрцыд гуманитарон ӕххуыс Дзауы районы рынчындонмӕ медикаменттӕ ӕмӕ ифтонггарзы хуызы. Медицинон уагдоны сӕйраг дохтыр Гасситы Константины ныхӕстӕм гӕсгӕ, гуманитарон ӕххуыс ӕрырвыстой горӕт Дзӕуджыхъӕуы муниципалитеты разамонӕг Икъаты Русланбег ӕмӕ Ставрополы ирон диаспорӕйы сӕрдар Уататы Тамерлан.

"Махмӕ ӕрцыд гуманитарон ӕххуыс. Ацы хъӕппӕрис, ӕз ӕй куыд зонын, фӕзынд Уататы Зелимханмӕ (цӕгатирыстойнаг парламенты депутат). Уаргъ ӕрырвыстой Икъаты Русланбег ӕмӕ Ставрополы ирон диаспорӕ, кӕцыйы сӕрдар у Уататы Тамерлан – Зелимханы фырт", - загъта Гасситы Константин.

Йӕ ныхӕстӕм гӕсгӕ, рынчындоны ныртӕккӕ пациенттӕ нӕй, уымӕн ӕмӕ сӕ ӕрвитынц Цхинвалмӕ, фӕлӕ рынчындоны ис коронавирусӕн хос кӕнынӕн ӕнӕмӕнгхъӕугӕ ифтонггарз.

Коронавирус  - Sputnik Хуссар Ирыстон
Хуссар Иры сбӕрӕг кодтой коронавирусӕй 23 ног рынчыны

Гасситы Константин бахахх кодта, медицинон уагдон ныр дыккаг хатт райста гуманитарон ӕххуыс.

Медицинон уагдоны сӕйраг дохтыр йӕхӕдӕг дӕр фӕрынчын коронавирусӕй, низ ын ацыд рог формӕйы.

"Низ ацыд рог формӕйы, уымӕн ӕмӕ спортӕй архайдтон. Фӕнды мӕ бахахх кӕнын спорты ахсджиагдзинад иммунитет сфидар кӕнынӕн", - банысан кодта Гасситы Константин.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

Ног хабӕртты лентӕ
0