02:17 17 ТЪÆНДЖЫ МÆЙ
 2021
Комкоммӕ эфир
  • EUR89.25
  • USD73.55
Хуссар Ирыстоны
Чысыл дӕнцӕг
1201

Уыимӕ иумӕ карантин адарддӕр кодтой стыр скъолаты (райдайӕн кълӕстӕй дарддӕр), уӕлдӕр ахуыргӕнӕндӕтты ӕмӕ скъолайы агъоммӕ уагдӕтты

ЦХИНВАЛ, 21 дек — Sputnik, Плиты Фатимӕ. Хуссар Ирыстоны чысылкомплектон скъолаты сног кодтой ахуырадон процесс карантины фӕстӕ. Уый тыххӕй фӕндон рахастой коронавирусы апарахат ма рауадзыны фӕдыл оперативон штабы рабадты рӕстӕджы, фехъусын кодтой Sputnik ахуырады министрады пресс-службӕйы. 

Уагдоны информацимӕ гӕсгӕ, ахӕм скъуыддзаг рахастӕуыд ахуырады министрады коллегийы рӕстӕджы - скъолаты директортӕ сӕхӕдӕг размӕ кодтой ацы хъуыды.

"Штабы рабадты рахастой уынаффӕ. Иумӕйаг рекомендаци радтам, хъуыддаг бирӕ бӕрцӕй скъуыддзаг цӕуы алахуырадон уагдоны уавӕр дӕр хынцгӕйӕ", - загътой министрады.

Знауыры районы администрацийы пресс-службӕйы фехъусын кодтой Sputnik, районы скъолатӕй кӕй скуыстой авд.

"Районы уӕвӕг скъолатӕй авды райдыдта ахуырадон процесс, каранимн ма адарддӕр кодтой ӕрмӕст Знауыры поселокы уӕвӕг скъолайы", - загъта районы пресс-секретарь Оттаты Алена.

Уымӕй размӕ Дзауы районы фехъусын кодтой, уыдонмӕ дӕр кӕй скуыста фондз чысылкомплектон скъолайы.

Сӕйраг темӕтӕ