01:42 18 ЗÆРДÆВÆРÆНЫ МÆЙ
 2021
Комкоммӕ эфир
  • EUR89.66
  • USD73.85
Хуссар Ирыстоны
Чысыл дӕнцӕг
3310

Культурон уагдон йӕ равдыстон куыст ӕрурӕдта республикӕйы коронавирусы апарахаты тасӕй тобӕты фӕлгӕтты

ЦХИНВАЛ, 21 янв – Sputnik, Плиты Фатимӕ. Хуссар Ирыстоны паддзахадон драмон театр сног кӕндзӕн йӕ равдысттӕ. Ӕрвыл майрӕмбон ӕвдыст цӕудзысты аргъӕуттӕ сабитӕн, фехъусын кодтой Sputnik уагдоны пресс-службӕйы.

Паддзахадон театр ивгъуыд азы уалдзӕгӕй фӕстӕмӕ нал ӕвдыста спектакльтӕ, коронавирусы апарахаты тасӕй цы тобӕтӕ архайдтой республикӕйы, уыдон тыххӕй, фӕлӕ уагдоны цыдысты репетицитӕ.

"Эпидемиологон уавӕр кӕй фӕхуыздӕр ис, стӕй ахуырадон уагдӕттӕ кӕй скуыстой, уый хынцгӕйӕ паддзахадон театр сног кодта йӕ равдысттӕ. Ӕрвыл майрӕмбон ӕвдыст цӕудзысты аргъӕуттӕ", - загътой пресс-службӕйы.

Паддзахадон театры репертуары ис цалдӕр спектаклы сабитӕн, сӕ нымӕцы "Домбай гӕды", "Бирӕгъ ӕмӕ тӕрхъустӕ", "Сырх худ" ӕмӕ ӕндӕртӕ.

Сӕйраг темӕтӕ