06:11 28 ÆРТХЪИРÆНЫ МÆЙ
 2021
Комкоммӕ эфир
  • EUR90.37
  • USD74.44
Хуссар Ирыстоны
Чысыл дӕнцӕг
3920

Ацы аз экспертон бафарсты бӕрӕггӕнӕнтӕм гӕсгӕ азы ӕртӕ хуыздӕр журналисты номхыгъдмӕ бахаудысты - Хъуылымбегты Роберт, Коцты Инга ӕмӕ Зӕгъойты Рада

ЦХИНВАЛ, 9 фев – Sputnik, Плиты Фатимӕ. Хуссар Ирыстоны фӕсивӕдон газет "Республика" экспертон бафарсты руаджы сбӕлвырд кодта 2020 азы хатдзӕгтӕм гӕсгӕ республикӕйы хуыздӕр журналистты хицӕн номинациты, фехъусын кодта Sputnik газеты сӕйраг редактор Хъоцыты Андрей.

Республикӕйы хуыздӕр журналистты равзарыны ӕрвылазон бафарст цӕуы 1996 азӕй фӕстӕмӕ.

"Раздӕр уыд зынгӕ фылдӕр номинацитӕ - хуыздӕр  алӕвӕрд, телеамонӕг, оператор ӕмӕ ӕндӕртӕ. Уӕд республикӕйы уӕвынад кодта ӕртӕ телекомпани, ныр та ма кусы ӕрмӕст ПТРК. Ныр номинациты номхыгъд фӕкъаддӕр ис, фӕуынгӕг ис журналистон ӕхсӕнад дӕр", - загъта уый.

Ацы аз экспертон бафарсты бӕрӕггӕнӕнтӕм гӕсгӕ азы ӕртӕ хуыздӕр журналисты номхыгъдмӕ бахауд -Хъуылымбегты Роберт, Коцты Инга ӕмӕ Зӕгъойты Рада, æртæ дæр сты газет "Республика"-йы журналисттæ.

Хуыздӕр политикон афӕлгӕсӕджы номинацийы фыццаг бынат бацахста Харебаты Батрадз, культурӕйы фадыджы рамбылдта Зӕгъойты Рада, интервьюйы жанры - Коцты Инга, хуыздӕр спортивон афӕлгӕсӕгыл банымадтой Уалыты Гугулийы, азы преспективон журналист ссис ӕвзонг чызг  - Томайты Ирина. Хуыздӕр дзыллон информацийы фӕрӕз бирӕ ӕзты фӕд-фӕдыл ахсы газет "Республика".

"1996 азӕй фӕстӕмӕ уадзӕм бафарст, цалдӕр азы дзы хайад иста ӕппӕт журналистон ӕхсӕнад, фӕлӕ йӕ стӕй ракодтам экспертон бафарсты форматмӕ. Дӕнцӕг райстам "France Football"-ӕй, кæцы сбæлвырд кæны æрвылаз аккагдӕрты футболы фадыджы", - бафтыдта уый.

Экспертон бафарсты архайдтой 11 адӕймаджы, уыдон уыдысты дзыллон информацийы фӕрӕзты разамонджытӕ, мыхуыр ӕмӕ информацийы комитеты хистӕр, ДИФ-ы фӕдыл парламентон комитеты хистӕр, журналистты цӕдисы сӕргълӕууӕг ӕмӕ журналистикӕйы кафедрайы хистӕр.

Сӕйраг темӕтӕ