Хуссар Иры хицауад финансон ӕххуыс бакӕндзӕн Хъорнисы цӕрӕгӕн йӕ хӕдзары басыгъды фӕдыл

ЦХИНВАЛ, 10 фев – Sputnik, Козаты Диана. Хицауады фӕстауӕрцон фондӕй рахицӕн кодтой фӕрӕзтӕ, цӕмӕй финансон ӕххуыс бакӕной Знауыры районы Хъорнисы хъӕуы цӕрӕг Тасойты Иналӕн.

© Sputnik / Aram Nersesyan

Хуссар Иры Знауыры районы басыгъд хисӕрмагонд хӕдзар

Хъӕуы цӕрӕджы хӕдзар басыгъд зынгсирвӕзты фӕстиуӕгӕн фарон декабры.

Тасойты Иналӕн финансон ӕххуыс бакӕныны фӕдыл скъуыддзаг рахастой хицауады рабадтыл. Уый райсдзӕн сӕдӕ мин сомы.

Амӕйразмӕ президент Бибылты Анатолий бахӕс кодта финансон ӕххуыс бакӕнын Гӕззаты бинонтӕн, кӕцыты хӕдзар Хуыцъейы хъӕуы басыгъд февралы райдайӕны.