Хуссар Иры рабæрæг кодтой 13 ног рынчыны коронавирусæй

© Sputnik / Sputnik /  Ахизын медиабанкмæкоронавирус
коронавирус - Sputnik Хуссар Ирыстон, 1920, 01.03.2021
Рафыссын
Медицинон хыгъдæй къуырисæры райсоммæ систой ноджы фондз сæнæнизуæвæг пациенты, сæ иумæйаг нымæц та схызт 2160 адæймаджы онг

ЦХИНВАЛ, 1 мар - Sputnik, Хъуылымбегты Зæлинæ. Хуссар Ирыстоны улæфт бонты цы 167 иртæсты сарæзтой, уыдонæй 13-æн разынд æвæрццаг фæстиуæг, фехъусын кодта Sputnik санитарон уагдоны сӕргълӕууӕджы хӕдивӕг Гаглойты Анна.

"Ног рынчынтæ коронавирусæй абоны онг сты 13. Пандемийы райдайæнæй та сæ иумæйаг нымæц у 3046", - загъта "Югосетпотребнадзор"-ы хистæры хæдивæг.

Уый ма бафтыдта, медицинон хыгъдæй къуырисæры райсоммæ кæй систой ноджы фондз сæнæнизуæвæг пациенты, сæ иумæйаг нымæц та схызт 2160 адæймаджы онг.

Амбулаторон æмæ стационарон хоскæнынадыл ныридæгæн сты 888 адæймаджы.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

Ног хабӕртты лентӕ
0