ЦХИНВАЛ, 17 мар - Sputnik. Цхинвалы милицийы фадыгонтӕ уадзынц рейдтӕ, цӕмӕй аиуварс кӕной хӕлд транспорты лӕууӕнтӕ фӕндӕгтӕй ӕмӕ горӕты кӕртытӕй.
"Хӕлд транспортон фӕрӕзтӕ хъыгдарынц скъӕрын ӕндӕр хӕдтулгӕтӕ ӕмӕ комуналон техникӕйы, сӕхгӕнынц афӕлгӕст шофыртӕн ӕмӕ фистӕг бӕлццонтӕн, бацахсынц дефецитон лӕууӕн бынӕттӕ", - дзырдӕуы МХМ пресс-службӕйы хъусинаджы.
Инспектортӕ сбӕрӕг кӕнынц хӕлд автотранспорты хицӕутты ӕмӕ ауадзынц семӕ профилактикон ныхас.
"Бирӕтӕ ныууадзынц тротуартӕ ӕмӕ кӕртыты ӕрмӕст хӕдтулгтӕ нӕ, фӕлӕ транспортон фӕрӕзты хӕйттӕ дӕр, кӕцытӕ хъыгдарынц фӕндагон змӕлды хайадисджыты. Хӕлд хӕдтулгӕты хицӕуттӕ бафӕдзӕхсынц административон бӕрндзинады тыххӕй", - радзырдта фадыгон инпектор Остъаты Олег.
Рейдты рӕстӕджы бафӕдзӕхстой дӕсӕй фылдӕр адӕймаджы – уыдон хъуамӕ айсой хӕдтулгӕтӕ кӕртытӕй дӕс бонмӕ, науӕд сӕм ӕнхъӕлмӕ кӕсы ивартӕ.
