ЦХИНВАЛ, 22 мар – Sputnik, Хъуылымбегты Зӕлинӕ. Хуссар Ирыстоны рабӕрӕг кодтой 12 ног рынчыны коронавирусон инфекцийӕ, фехъусын кодта Sputnik "Югосетпотребнадзор"-ы сӕргълӕууӕг Коцты Марина.
"Сарӕзтам 88 раиртӕсты COVID-19 рафӕлгъауыны тыххӕй, уыдонӕй 12 равдыстой низы уӕвынад", - загъта уый.
Санитарон дохтыры ныхӕстӕм гӕсгӕ, абоны бон медицинон хъусдарды бын амбулаторон æмæ стационарон уавæрты сты 439 пациенты.
"Югосетпотребнадзор"-ы бӕрӕггӕнӕнтӕм гӕсгӕ, пандемийы райдианӕй фӕстӕмӕ республикӕйы сарӕзтӕуыд 19 661 иртӕсты, 3172 тесты равдыстой ӕвӕрццаг нысаниуӕг.
