Алайнаг епархи уары хӕлцадон ӕххуыс Хуссар Иры ӕххуысхъуаг бинонтӕн

© Sputnik / Максим Богодвид /  Ахизын медиабанкмæХуссар Иры ӕххуысхъуаг бинонтӕн уарынц хӕлцадон ӕххуыс
Хуссар Иры ӕххуысхъуаг бинонтӕн уарынц хӕлцадон ӕххуыс - Sputnik Хуссар Ирыстон, 1920, 23.03.2021
Рафыссын
Цхинвайлаг Алайнаг епархийы хӕрзаудӕн акци аххæссыд 350 бинонтæй фылдæрыл, уыдон се 'ппæт дæр цæрынц хъæуты æмæ районон центрты

ЦХИНВАЛ, 23 мар – Sputnik, Плиты Фатимæ. Цхинвайлаг Алайнаг епархийы хӕрзаудӕн акцийы фӕлгӕтты Хуссар Ирыстоны районты уарынц хӕлцадон продуктты тыхтонтӕ. Ӕдӕппӕтӕй ӕххуыс райстой 353 ӕххуысхъуаг бинонтӕ, уый тыххӕй Sputnik фехъусын кодта динамонӕг фыд Симон.

Цхинвал - Sputnik Хуссар Ирыстон, 1920, 21.10.2020
Алайнаг епархийы динамонджытӕ уадзынц Хуыцаумӕскуывдтӕ уӕззау рынчынты тыххӕй

"Ахӕм акцитӕ уадзӕм ныр фӕндзӕм аз. Иууыл фылдӕр адресаттӕ нын ис Ленингоры районы-127, Знауыры районы - 86, Цхинвалы районы-90 ӕмӕ 50 та Дзауы районы. Столицӕйы тыхст уавӕрты чи ис, ахӕм адӕм ноджы фылдӕр ис, уыдонмӕ Алайнаг епархи цӕуы арӕхдӕр", - загъта динамонӕг.

Уый ма бафтыдта, Знауыр ӕмӕ Ленингоры районмӕ кӕй ис фылдӕр хъусдард.

"Мӕхӕдӕг дӕр Знауыры районӕй дӕн ӕмӕ хуыздӕр зонын ацы регионы проблемӕтӕ. Алайнаг епархийы динамонӕг Иаков Ленингоры аргъуанмӕ ныццӕуы, хӕлцадӕй дарддӕр ма арвыстам медикаменттӕ", - бафтыдта фыд Симон.

Хӕрзаудӕн акци цӕуы районты разамынадтимӕ ӕмархайдӕй, уыдон бавдыстой тыхст адӕмы номхыгъдтӕ ӕмӕ уарынц епархийы ӕххуыс.

Ног хабӕртты лентӕ
0