Хуссар Иры цæрæг барвæндæй радта милицимæ карабин

© Sputnik / Кирилл Брага /  Ахизын медиабанкмæ Мосины карабин
 Мосины карабин - Sputnik Хуссар Ирыстон, 1920, 05.04.2021
Рафыссын
Мидхъуыддæгты министрад уадзы басгæрст хæцæнгарз радтыны фæдыл. Уагдоны ма ноджы радзырдтой криминогенон уавæры тыххæй республикæйы æмæ æрхастой ивгъуыд къуырийы фæндæгтыл фæткхæлдты статистикæ

ЦХИНВАЛ, 5 апр - Sputnik. Хуссар Ирыстоны столицæйы 48-аздзыд цæрæг барвæндæй радта милицимæ Мосины системæйы карабин, хъусын кæны къуырисæры МХМ пресс-службæ.

"Нæлгоймаг æнæзаконон хæцæнгарз радта барадхъахъхъæнæг органтæм, цæмæй йæм ма æрхæссой уголовон бæрндзинад. Ныртæккæ милицийы кусджытæ уадзынц басгæрст цауы фæдыл", -банысан кодтой уагдоны.

Уавæр фæндæгтыл

МХМ ма уымæй дарддæр фехъусын кодтой ивгъуыд къуырийы фæндæгтыл уавæры тыххæй дæр. Иу къуыримæ бафидар кодтой дыууæ фæндагон-транспортон цауы, уыдон фæстиуæгæн æртæ адæймаджы бахъуыд рынчындонмæ бакæнын алыгъуызон буары цæфтимæ.

ПАИ кусджытæ иу къуыримæ срегистраци кодтой фæндагон змæлды фæткы фехæлды 189 цауы. Авд шофыры ныхмæ сарæзтæуыд протоколтæ, хæдтулгæ нозтджынæй кæй скъæрдтой, уый тыххæй.

Криминогенон уавæр

Хуссар Ирыстоны фæстаг къуыри не срцыд иу фыдракæнд дæр, æхсæнадон фæтк фехалыны тыххæй та мидхъуыддæгты управленийы кусджытæ æрурæдтой иу адæймаджы.

Ног хабӕртты лентӕ
0