07:37 01 МАЙРÆМТЫ МÆЙ 2021
Комкоммӕ эфир
  • EUR86.99
  • USD73.14
Хуссар Ирыстоны
Чысыл дӕнцӕг
6 0 0

Мидхъуыддæгты министрады Цхинвалы районон хайады кусджытæ агурынц фыдгæнджытæ, кæцытæ ивгъуыд улæфт бонты адавтой сылгоймаджы хæдзар

ЦХИНВАЛ, 21 июн – Sputnik, Козаты Диана. Хуссар Ирыстоны барадхъахъхъæнæг органтæ агурынц æбæрæг фыдгæнджыты, кæцытæ Цхинвалы районы Ногхъæуы цæрæджы хæдзарæй адавтой æхцайы егъау суммæ æмæ хæзнатæ.

Фыдракæнд æрцыд ивгъуыд сабаты, фехъусын кодтой республикæйы МХМ пресс-службæйы.

"Фæстаг къуыри республикæйы территорийыл æрцыд иу фыдракæнд - адавд. Уый тыххæй 19 июны радгæсон хайадмæ фехъусын кодта зианбаййафæг сылгоймаг. Уый бамбарын кодта, Ногхъæуы йын йæ хæдзарæй æбæрæг фыдгæнджытæ кæй адавтой 185 000 сомы æхца æмæ ювелирон дзауматæ", - радзырдтой уагдоны.

Фыдракæнды фæдыл Цхинвалы районы милиционертæ уадзынц оперативон-сгарæн мадзæлттæ, цæмæй рабæрæг кæной æмæ æруромой давджыты.

МХМ ма фехъусын кодтой, ивгъуыд къуыри республикæйы фæндæгтыл æрцыд æртæ аварийы, цыран бахъыгдард сты фондз адæймаджы. Уыдон æрцыдысты госпитализаци æмæ сæ медицинон æххуысы фæстæ ауагътой хæдзæрттæм.

Уымæй дарддæр ПАИ кусджытæ сфидар кодтой фæндагон змæлды 213 фæткхæлды. Авд шофыры хæдтулгæ скъæрдтой нозтджынæй.

Сӕйраг темӕтӕ