17:22 19 КÆФТЫ МÆЙ
 2021
Комкоммӕ эфир
  • EUR82.68
  • USD70.97
Хуссар Ирыстоны
Чысыл дӕнцӕг
10 0 0

Службӕйы фӕтыхджындӕргонд режиммӕ ракодтой МХМ кусджыты дӕр, афтӕ ма фӕфылдӕр кодтой патрулон экипажтӕ республикӕйы фӕндӕгтыл

ЦХИНВАЛ, 25 июн — Sputnik. Хуссар Ирыстоны столицӕйы центры ӕрӕхгӕндзысты фӕндагон змӕлд райагъдон бал уадзыны рӕстӕджы. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

"Паддзахадон автоинспекцийы кусджытӕ 16:00 сахатӕй мадзалы кӕронмӕ ӕрӕхгӕндзысты Сталины – Пушкины, Сталины – Абайты Васойы, Хетӕгкаты Къостайы – Тугъанты Махарбеджы уынгты алвӕндӕгтӕ", - дзырдӕуы хъусинаджы.

Афтӕ ма, михъуыддӕгты органты кусджыты ракӕндзысты службӕйы фӕтыхджындӕргонд режиммӕ. Театралон фӕзуаты территорийыл сӕвӕрдзысты контролон-уадзӕн пункттӕ.

"Мадзалы сӕйраг хайадисджытӕ сты сывӕллӕттӕ, уый фӕдыл хъӕуы бӕрнон ахаст дарын банкеттӕ уадзыны бынӕтты ӕдасдзинад сӕххӕст кӕнынмӕ. Ӕхсӕнадон ӕдасдзинады милици сарӕзта нывӕзт, кӕцыйы фыст сты МХМ кусджыты архӕйдтытӕ ӕхсӕнадон фӕтк бахъахъхъӕныны фӕдыл", - загъта рабадтыл МХМ сӕргълӕууӕджы хӕстӕ ӕххӕстгӕнӕг Пухаты Мераб.

Республикӕйы фӕндӕгтыл фӕфылдӕр кӕндзысты милицийы патрулон экипажтӕ. Уыдон сӕ хъус дардзысты фӕндагон змӕлды ӕдасдзинадмӕ, афтӕ ма цӕудзысты рауагъдонты автотранспортимӕ, кӕцытӕ цӕудзысты столицӕмӕ балмӕ республикӕйы районтӕй.

Сӕйраг темӕтӕ