13:16 26 РУХÆНЫ МÆЙ 2021
Комкоммӕ эфир
  • EUR85.68
  • USD73.01
Хуссар Ирыстоны
Чысыл дӕнцӕг
8 0 0

2021 аз рынчынкӕнынады иууыл бӕрзонддӕр бӕрӕггӕнӕнтӕ уыдысты январы, уӕд цалдӕр суткӕйы сбӕрӕг кодтой 35 рынчыны коронавирусӕй. Хуссар Ирыстоны пандемийы рӕстӕджы коронавирусӕй ӕдӕппӕт фӕрынчын сты 3 563 адӕймаджы

ЦХИНВАЛ, 5 июн - Sputnik, Хъуылымбегты Зӕлинӕ. Хуссар Ирыстоны коронавирус сбӕрӕг кодтой 43 адӕймагӕн, кӕцытӕ тесттӕ радтой майрӕмбоны, фехъусын кодта Sputnik сӕйраг санитарон дохтыр Коцты Марина.

Уый банысан кодта, улӕфт бонты "Югосетпотребнадзор"-ы ПЦР-лабораторийы иртӕстытӕ кӕй нӕ арӕзтой, къуырисӕры саразгӕ тестты тыххӕй та фехъусын кӕндзысты сом райсом.

"Ивгъуыд майрӕмбоны республикӕйы сарӕзтой 152 тесты, уыдонӕй 43 радтой ӕвӕрццаг фӕстиуӕг. Фылдӕр кӕны рынчынкӕнынад – ацы аз афтӕ бирӕ ӕвӕрццаг тесттӕ иу суткӕмӕ никуы ма сбӕрӕг кодтой. Уый фӕдыл сидын республикӕйы цӕрджытӕм, цӕмӕй бӕрнон ахаст дарой сӕхи ӕмӕ сӕ хиуӕтты ӕнӕниздзинадмӕ, ӕххӕст кӕной ӕдасдзинады мадзӕлттӕ", - загъта Коцты Марина.

Пандемийы райдианӕй фӕстӕмӕ республикӕйы коронавирусӕй фӕрынчынуӕвджыты иумӕйаг нымӕц схызт 3 563 онг. Уагдоны ПЦР-лабораторийы инфекцион низы фӕзындӕй фӕстӕмӕ сарӕзтой 24 323 тесты коронавирус рабӕрӕг кӕныны фӕдыл. Уыцы рӕстӕгмӕ сӕнӕниз сты 3 405 адӕймаджы, медикты хъусдарды бын ма сты 158 пациенты.

Сӕйраг темӕтӕ