ЦХИНВАЛ, 6 июл - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 17 ног рынчыны коронавирусӕй, фехъусын кодта дыццӕджы Sputnik республикӕйы сӕйраг санитарон дохтыр Коцты Марина.
"Югосетпотребнадзоры лабораторийы ивгъуыд суткӕйы сарӕзтой 126 иртӕсты COVID-19-ы фӕдыл, уыдонӕй 17 радтой ӕвӕрццаг фӕстиуӕг", - радзырдта Югосетпотребнадзоры сӕргълӕууӕг.
Фӕстаг суткӕйы медицинон хыгъдӕй систой цыппар адӕймаджы, ӕдӕппӕт та тӕссаг инфекцийӕ сӕнӕниз сты 3 409 адӕймаджы. Ныртӕккӕ медикты хъусдарды бын стационар ӕмӕ амбулаторийы сты 171 пациенты.
Пандемийы райдианӕй фӕстӕмӕ республикӕйы коронавирусӕй фӕрынчынуӕвджыты иумӕйаг нымӕц схызт 3 580 онг. Уагдоны ПЦР-лабораторийы инфекцион низы фӕзындӕй фӕстӕмӕ сарӕзтой 24 601 тесты коронавирус рабӕрӕг кӕныны фӕдыл.
