03:26 28 СУСÆНЫ МÆЙ
 2021
Комкоммӕ эфир
  • EUR86.99
  • USD73.85
Хуссар Ирыстоны
Чысыл дӕнцӕг
10 0 0

Исӕн къамис йӕ куыст куы балхынцъ кӕна, уӕд абитуриенттӕ хъуамӕ радтой дыууӕ фӕлварӕны – уырыссаг ӕвзаг ӕмӕ математикайӕ. Фӕлварӕнтӕ райдайдзысты августы кӕрӕтты – сентябры райдайӕны

ЦХИНВАЛ, 22 июл — Sputnik, Хъуылымбегты Азӕмӕт. Цхинвалы бирӕпрофилон колледж исы абитуриентты 2021/2022 ахуырадон азмӕ, фехъусын кодтой Sputnik ахуырадон уагдоны пресс-службӕйы.

Колледжмӕ бацӕуӕн ис куыд 11-ӕм къласы фӕстӕ, афтӕ 9-ӕм къласы фӕстӕ дӕр.

"Абитуриенттӕн фадат ис равзарын ӕртындӕс дӕсниадӕй: бӕстыхӕйтты арӕзтад ӕмӕ эксплуатаци, ӕхсӕнадон хӕлцады продукцийы технологи, экономикӕ ӕмӕ бухгалтерон хыгъд, агрономи, автомеханик, хуыйӕг, цифрон информацийы мастер, хъӕдӕрмӕгӕй ӕрмӕджыты аразӕг, арӕзтадон куыстыты мастер, электромонтажник, ӕфсапъӕ, кондитер, фӕндагон ӕмӕ аразӕг хӕхдтулгӕты машинист", - загътой пресс-службӕйы.

Абоны бон колледжмӕ сӕ документтӕ бадӕттой 20 адӕймаджы. Исӕн къамис йӕ куыст куы балхынцъ кӕна, уӕд абитуриенттӕ хъуамӕ радтой дыууӕ фӕлварӕны – уырыссаг ӕвзаг ӕмӕ математикайӕ. Фӕлварӕнтӕ райдайдзысты августы кӕрӕтты – сентябры райдайӕны.

Кӕд абитуриент фӕвӕййы 9 класс, уӕд ахуыр кӕны 4 азы, 11-ӕм классы фӕстӕ та ахуыр кӕнынц ӕртӕ азы. Ахуырад у ӕнӕаргъ, колледжы студенттӕн ис стипендитӕ ӕмӕ ӕнӕаргъ ацӕуӕн ӕхсӕнадон транспортыл.

Сӕйраг темӕтӕ