04:45 18 КÆФТЫ МÆЙ
 2021
Комкоммӕ эфир
  • EUR82.73
  • USD71.24
Хуссар Ирыстоны
Чысыл дӕнцӕг
14 0 0

Хуссар Ирыстоны ӕфсӕддонтӕ хъахъхъӕндзысты республикӕйы кад Ӕхсӕнадӕмон ӕфсӕддон хъӕзтыты ӕртӕ конкурсы. Хъӕзтытӕ райдайдзысты августы дыккаг хай

ЦХИНВАЛ, 23 июл - Sputnik. Хуссар Ирыстоны Хъахъхъӕнынады министрады командӕ, кӕцыйы сконды сты сӕрмагонд нысаниуӕджы батальоны ӕфсӕддонтӕ, хайад райсдзысты ӕфсӕддон альпинистты конкурсы Ӕхсӕнадӕмон ӕфсӕддон хъӕзтыты – 2021. Уый тыххӕй хъусын кӕны уагдоны пресс-службӕ.

"Командӕ рацыд цӕттӕгӕнӕн этап дӕлхайады офицерты къухдариуӕгады бын. Ӕфсӕддонтӕ тренировкӕ кодтой Хъахъхъӕнынады министрады полигоныл", - дзырдӕуы пресс-службӕйы хъусинаджы.

Ӕфсӕддонтӕ ма бакуыстой хохмӕ хӕрдмӕсцыдыл дыууӕкъуырион балцы рӕстӕджы Къуаисамӕ. Афтӕ ма, хуссарирыстойнаг ӕфсӕддонтӕн сорганизаци кодтой балц Эльбрусмӕ, цӕмӕй базонгӕ уой конкурс "Эльбрусское кольцо"-йы маршрутимӕ.

"Командӕ иттӕг хорз цӕттӕ у, уырны мӕ, сӕхи аккаг кӕй равдисдзысты", - фехъусын кодта къорды командӕгӕнӕг, гвардийы лейтенант Габатты Сослан.

Ӕхсӕнадӕмон ӕфсӕддон хъӕзтыты – 2021 райдайдзысты августы дыккаг хай. Хуссар Ирыстоны Хъахъхъӕнынады министрад арвитдзӕн командӕтӕ, цӕмӕй хайад райсой конкурсты "Танковый биатлон", "Отличники войсковой разведки", "Эльбрусское кольцо".

Сӕйраг темӕтӕ