ЦХИНВАЛ, 29 авг – Sputnik, Хъуылымбегты Азӕмӕт. Хуссар Ирыстоны иу къуыримӕ ӕрцыд ӕхсӕз зынгсирвӕзты, фехъусын кодтой Sputnik Уӕлвӕткон уавӕрты министрады (УУМ) радгӕсон хайады.
"Цъунары хъӕуы 27 августы ссыгъд хосы мӕнгагъуыст, информацимӕ гӕсгӕ, уый уыд артӕфтыд. Уыцы бон ма ссыгъд хъӕд Дзарцъемы хъӕуы. 23 агусты Хеиты хъӕуы ӕрцыд зынгсирвӕзт мӕнгагъуысты", - загътой УУМ радгӕсон хайады.
Хус кӕрдӕджы ссыгъдтӕ ӕрцыдысты Цхинвалгӕрон ӕмӕ микрорайон "Мӕскуыйаг"-ы. Уыдон иууылдӕр аиуварс кодтой.
Уагдоны ма бафтыдтой, зӕгъгӕ, сӕм уыд фӕсидтӕ автотранспортон фӕрӕзтӕ раласыны фӕдыл, кӕцытӕ ныффидар сты хъӕды.
