09:33 25 КÆФТЫ МÆЙ
 2021
Комкоммӕ эфир
  • EUR82.50
  • USD70.86
Хуссар Ирыстоны
Чысыл дӕнцӕг
17 0 0

Хъуыддаджы фӕдыл развӕлгъау тӕрхондонон рабадт ацыд ӕхгӕд режимы. Столицӕйы тӕрхондоны куыд банысан кодтой, афтӕмӕй хъуыддаджы ӕрмӕджыты сбӕрӕг кодтой фехӕлдтӕ, кӕцытӕ нӕй гӕнӕн аиуварс кӕнын хъуыддагмӕ ӕркасты рӕстӕджы

ЦХИНВАЛ, 23 сен - Sputnik. Цхинвалы тӕрхондон развӕлгъау рабадты хатдзӕгтӕм гӕсгӕ раздӕхта прокуратурӕмӕ уголовон хъуыддаг Цхинвалы цӕрӕг Дзабиты Иналы мӕлӕты фӕдыл, хъусын кӕны тӕрхондоны пресс-службӕ.

"Тӕрхондоны развӕлгъау рабадты хатдзӕгтӕм гӕсгӕ райстӕуыд скъуыддзаг, цӕмӕй уголовон хъуыддаг раздахой прокуратурӕмӕ. Уымӕн ӕмӕ хъуыддаджы ӕрмӕджыты сбӕрӕг кодтой фехӕлдтӕ, кӕцытӕ нӕй гӕнӕн аиуварс кӕнын хъуыддагмӕ ӕркасты рӕстӕджы", - дзырдӕуы хъусинаджы.

Пресс-службӕйы банысан кодтой, развӕлгъау фӕдагуырды органтӕ зылынкӕныны барфысты нӕ радтой службӕйон инструкцитӕ, цы ран бӕрӕг сты службӕйон хӕслӕвӕрдтӕ, кӕцыты сӕрты ахызтысты зӕрдӕхсайгӕтӕ.

Ивгуыд азы августы кӕрон криминалон милицийы бафарстыты фӕстӕ амард Цхинвалы цӕрӕг Дзабиты Инал. Уӕд столицӕйы ацыд митингтӕ, цы ран адӕм домдтой бафхӕрын азымджынты. Кризисы аххосӕй отставкӕйы ацыд хицауад, депутаты иу хай сӕ хӕстӕ ӕххӕст кӕныны куыст ӕрурӕдтой. Лӕппуйы мӕлӕты рӕстаг сгӕрсты домӕнты фӕдыл цалдӕрмӕйон акци Театралон фӕзуаты ауагътой лӕппуйы ныййарӕг ӕмӕ йе 'мкъай, афтӕ ма уыдон фарсмӕ цы адӕм балӕууыдысты, уыдон.

Сӕйраг темӕтӕ