12:23 24 КÆФТЫ МÆЙ
 2021
Комкоммӕ эфир
  • EUR82.50
  • USD70.86
Хуссар Ирыстоны
Чысыл дӕнцӕг
11 0 0

Уагдоны ахуырадон процесс ӕрурӕдтой уым уӕвӕг цыппар къласы дӕр кӕй сбӕлвырд кодтой коронавирусӕй рынчынты лабораторион уавӕрты

ЦХИНВАЛ, 28 сен - Sputnik, Плиты Фатимӕ. Хуссар Ирыстоны хъахъхъӕнынады министрады кадетон скъолайы бакодтой карантин коронавирусы апарахат ма руадзыны тыххӕй, фехъусын кодта Sputnik ахуырадон уагдоны хистӕр Тадтаты Артур.

Кадетон скъола йӕ куыст ӕрурӕдта 26 сентябрӕй 9 октябрьмӕ.

"Кадетон скъолайы ӕдӕппӕтӕй ис цыппар къласы, уыдоны се 'ппӕты дӕр ис коронавирусӕй рынчынтӕ, уый сбӕлвырд кодтой тестты руаджы. Ахуыргӕнджыты хсӕн нӕй рынчынтӕ", - загъта директор.

Уый ма бафтыдта, уавӕры тыххӕй фехъусын кодтой санитарон уагдонмӕ.

"Югосетпотребнадзоры барамындӕй скъола йӕ куыст ӕрурӕдта фарастӕм октябры онг, цӕмӕй низ ма апарахат уа ахуырадон уагдоны", - бафтыдта уый.

Уымӕй размӕ карантин бакодтой коронавирусы апарахаты аххосӕй Цхинвалы ӕртыккаг, фӕндзӕм, ӕхсӕзӕм, фарастӕм скъолаты ӕмӕ Ленингоры районы Захъхъоры скъолайы ӕмӕ цалдӕр сабидоны.

Сӕйраг темӕтӕ