Хуссар Иры Дзауы скъола сæхгæдтой карантиныл

© Sputnik / Natalia Airiyan Дзау
Дзау  - Sputnik Хуссар Ирыстон, 1920, 06.10.2021
Рафыссын
Районы сӕхгӕдтой иууыл стырдӕр ахуырадон объект - Дзауы астӕуккаг скъола, цы ран номхыгъдтӕм гӕсгӕ ахуыр кӕны 225 адӕймаджы
ЦХИНВАЛ, 6 окт — Sputnik, Плиты Фатимӕ. Хуссар Ирыстоны Дзауы районы иууыл стырдӕр централон скъола сӕхгӕдтой карантиныл коронавирусы апарахат ма руадзыны тыххӕй, фехъусын кодта Sputnik районы ахуырады хайады гӕс Битеты Мария.
Цхинвалы Интернат - Sputnik Хуссар Ирыстон, 1920, 04.10.2021
Цхинвалы скъола-интернаты бакодтой карантин
"Районы сӕхгӕдтой иууыл стырдӕр ахуырадон объект - Дзауы астӕуккаг скъола, кӕцыйы ахуыр кӕны номхыгъдтӕм гӕсгӕ 225 адӕймаджы. Ивгъуыд къуыри сывӕллӕтты нымӕц къаддӕр кодта, ахуырдзаутӕн се ʻмбис дӕр нал цыд скъоламӕ. Къуырисӕры ма уыдысты ӕрмӕст 60-йӕ. Ӕхсӕз фӕрынчын ахуыргӕнджытӕй дæр", - загъта Битеты Мария.
Йӕ ныхӕстӕм гӕсгӕ, ранымайгӕ цаутӕ хынцгӕйӕ ахуырдон уагдоны бакодтой карантин 5 октябрӕй.
"Дзауы скъолайы карантин адарддæр уыдзӕн 14 октябры онг", - бафтыдта уый.
Районы администрацийы ма бафтыдтой, карантины рӕстӕг ахуыр кæй цӕудзӕн дистанцион форматы.
Уымӕй размӕ ма сӕхгӕдтой иу кълас Дзауы скъолайы-интернаты ӕмӕ Къуайсайы астӕуккаг скъолайы та дыууӕ къласы.
Ног хабӕртты лентӕ
0