ЦХИНВАЛ, 15 янв— Sputnik. Транскавказаг автомагистраль гом у транспорты алы хуызтæн дæр, фæлæ фæндагыл нæй бар цæуын уæзласын машинæтæн æнæ зымæгон резинæ æмæ рæхыстæй, хъусын кæны Хуссар Ирыстоны УУМ-ы пресс-службæ.
"Транскам кусы æрвылбонон режимы. Фæлæ нырма дæр Транскамыл уæзласæн машинæтæн нæй бар цæуын æнæ зымæгон резинæ æмæ рæхыстæй", — дзырдæуы ведомствæйы хъусынгæнинаджы.
Фæндаг уыд æхгæд уæзласæн машинæтæн суткæйы бæрц – 13 январæй, мит тыхджын кæй уарыд æмæ зæйтæ æрцæуынæй тас кæй уыд, уый аххосагæй.