ЦХИНВАЛ, 17 янв— Sputnik, Уалыты Диана. Хуссар Ирыстоны делегаци фæсарæйнаг хъуыддæгты министр Медойты Дмитрийы сæргълæудæй ацæудзæн Наурумæ республикæйы президент Барон Дивавеси Вакайы фæхуындмæ гæсгæ. Балц нывонд уыдзæн Науруйы хæдбардзинадыл 50 азы сæххæстæн, фехъусын кодта журналисттæн æртыццæджы дипломатон ведомствæйы сæргълæууæг Медойты Дмитрий.
"Ацы юбилейон датæ тынг ахсджиаг у Науруйы цæрджытæн æмæ мах цингæнгæйæ райстам ацы фæхуынд. Фæнды мæ банысан кæнын, ацы республикæмæ визитæй дарддæр ма нын нывæзты кæй ис визиттæ æндæр паддзахадтæм дунейы алы рæтты", — загъты уый.
Медойты Дмитрий бафтыдта, Хуссар Ирыстон кæй у бузныг Науруйæн ахæм ахсджиаг къахдзæфы тыххæй, куыд республикæйы хæдбардзинад банымайын.
Науру нысан кæны Хæдбардзинады бон 31 январы. Республикæ банымадта Хуссар Ирыстоны суверенитет 2009 азы.