ЦХИНВАЛ, 30 янв— Sputnik, Козаты Диана. Хуссар Ирыстоны барадхъахъхъæнæг органты кусджытæ æрцахстой Цхинвалы цæрæджы амарынмæ зæрдæ цы æмбæстагмæ æхсайы, уый, фехъусын кодтой Генералон прокуратурæйы.
33-аздзыд Къодоты Вадимы ссардтой мардæй йæ сæр хæцæнгарзæй æхстимæ Дзауы районы хуыцаубоны. Районон прокуратурæ ацы факты фæдыл бакодта уголовон хъуыддаг.
"Уайтагъддæр ахст æрцыд Дзауы районы Мугуты хъæуы цæрæг Гаглойты Владислав Теймуры фырт. Йемæ уагъд цæуынц слестгæнæн мадзæлттæ", — загътой Генералон прокуратурæйы.
Ныртæккæ Гаглойты Владислав дæтты æвдисæндзырдтæ.