ЦХИНВАЛ, 21 фев — Sputnik, Плиты Фатимӕ. Хуссар Ирыстоны тыхон структурӕты ʻхсӕн цæуынц ерыстӕ волейболӕй. Спортивон мадзал арӕзт ӕрцыд Фыдыбӕстӕ хъахъхъӕнӕджы боны цытӕн, хъусын кæны мидхъуыддӕгты министрады (МХМ) сайт.
"Мидхъуыддӕгты министрады иугонд командӕ ерысты фыццаг бон дыууӕ хатты ахъазыд ӕмӕ дыууӕ хатты дӕр йӕ къухты бафтыдис уӕлахиз. Сӕ ныхмӕлӕуджытӕ уыдысты Цхинвалы бирӕпрофилон колледжы командӕ ӕмӕ Уӕлвӕткон министрады иугонд командӕ", — дзырдæуы хъусинаджы.
Турнир цӕудзӕн Цхинвалы республикон спортивон скъолайы 22 февралы онг. Уӕлахиздзаутӕ ӕмӕ призертӕ хорзӕхджын ӕрцӕудзысты грамотӕтӕй, майдантӕй, кубоктӕй ӕмӕ зӕрдылдарӕн лӕвӕрттӕй.