ЦХИНВАЛ, 27 фев — Sputnik, Гæбæрты Ян. Хуссар Ирыстоны чырон бастдзинады оператор "Мегафон" фехъусын кодта хъазт "Дзур иронау!"-ы уæлахиздзауы ном. iPhone 8 хицау баис Цхинвалы цæрæг Сиукъаты Милена, фехъусын кодтой компанийы æхсæнадимæ бастдзинæдты хайады.
"Сæйраг приз iPhone 8 64 Гб-ыл тох кодтой сæдæ адæймаджы бæрц. Фарстытæ бацæттæ кодтой компанийы кусджытæ филологон зонæдты кандидат Битарты Зояйы æххуысæй. Викторинæ рамыбылта цхинвайлаг чызг Сиукъаты Милена", — загъта компанийы минæвар Кокойты Ека.
Уый ма банысан кодта, ирон æвæзаджы райрæзты оххыл хъазт "Дзур Иронау!"-ы фæлгæтты кæй барæвдаудзысты канд уæлахиздзауы нæ, фæлæ ма йæ ирон æвзаг æмæ литературæйы ахуыргæнæджы дæр.
"Уæлахиздзауæн 12-æм скъолайы йæ ирон æвзаджы ахуыргæнæджы дæр фæнд кæнæм барæвдауын. Уымæн азы кæронмæ æнæаргъæй баиу кæндзысты сæрмагонд тариф "Универсальный вип", — бафтыдта Кокойты Ека.
Хъазт цыд 20 боны дæргъы. Ахæм акци "Мегафон — Хуссар Ирыстон" ауагъта фыццаг хатт, уый цæрджыты рдыгæй ссардта бирæнымæц табугæнджыты. Компанийы банысан кодтой, радон викторинæ кæд райдайдзæн, уый нырма бæрæг нæу, фæлæ планмæ гæсгæ уыдон хъуамæ суой традицион.