ЦХИНВАЛ, 7 мар — Sputnik. Хуссар Ирыстоны делегацийы сæргъ Инциденттæ ма руадзыны æмæ сæ аиуварс кæныны механизмты форматы æрлæудзæн Коцты Егор, фехъусын кодтой Sputnik фæсконфликтон æрнывыл кæныны фарстыты фæдыл РХИ-ы президенты æххæстбарджын минæвары аппараты.
"Президенты администрацийы сæргълæууæджы барамындæй ма Коцты Егор нысангонд æрцыд æххæстбарджын минæвары хæдивæгæй", — банысан кодтой ведомствæйы.
Раздæр Коцты Егор уыд Днестргæроны официалон минæварады сæргълæууæг Хуссар Ирыстоны.
Коцты Егоры снысан кæныны размæ ИӔАМ-ы фембæлдты Хуссар Ирыстоны делегацийы сæргъ лæууыд æххæстбарджын минæвар Джиоты Мурæт.