ЦХИНВАЛ, 16 мар — Sputnik. Уæрæсейы культурæйы министр Владимир Мединский схорзæхджын кодта Мариинаг театры æрыгон зарæггæнджыты академийы къухдариуæггæнæг Гергиты Ларисайы "Уæрæсейаг культурæмæ хайбавæрд бахæссыны тыххæй" риуылдарæн нысанæй, хъусын кæны РИА Новости.
"Абон мах дæттæм паддзахадон æмæ ведомствæйон хорзæхтæ архайджытæн, кæцытæ снывонд кодтой сæ цард нæ культурон бынтæ сбирæ кæнынæн", — загъта Мединский хорзæхтæ раттыны церемонийы рæстæджы.
Хорзæхтæ ма радтой Вера Алентова, Ирина Великанова, Владимир Винокур, Олег Добродеев, Вячеслав Зайцев, Александр Збруев, Владимир Носик, Илья Резник, Владимир Кехман æмæ Сергей Юрскийæн.