ЦХИНВАЛ, 21 мар — Sputnik. Цæгат Ирыстоны арæзт цæуы национ æвзаджы терминологон къамис, хъусын кæны ПТРК "Алания".
Ахæм уагæвæрдтæ уыцы иу рæстæджы хаст æрцыдысты Хуссар æмæ Цæгат Ирыстоны хицауадты æмбырдты æркастмæ.
"Къамисы сæйраг фарстытæ сты — ирон æвзаджы лингвистикон терминологон системæ фæхуыздæр кæнын, сбæрæг кæнын литературон нормæтæ æмæ фæбæрзонддæр кæнын æвзаг зоныны культурæ. Уымæй уæлдай, ирон адæмы национ-культурон райрæзты тыххæй арæзт цæуы экспертон къамис дæр, уый кусдзæн Цæгат Ирыстон æмæ Хуссар Ирыстоны хсæн æмгуыстады фарстытыл", — дзырдæуы хъусинаджы.
19 марты Хуссар Ирыстоны хицауады пресс-службæ фехъусын кодта, фидар кæй æрцыд ирон æвзаджы фæдыл Терминологон къамисы сконд. Уынаффæ райстæуыд республикæйы министрты кабинеты рабадтыл премьер Пухаты Эрикы разамындæй.