ЦХИНВАЛ, 23 мар — Sputnik. Цæгатирыстойнаг спортсменты командæ бацахста æртыккаг бынат панкратионæй фыццагады Казаны, хъусын кæны ПТРК "Алани".
Уæрæсейы 47 регионтæй 88 богалæй фылдæр æрæмбырд сты Татарстаны столицæйы, цæмæй рафæлгъауой Уæрæсейы хуыздæр спортсменты Европæ æмæ дунейы фыццагадты хайад райсыны тыххæй. Цыппар боны мидæг спортсментæ тох кодтой иууыл хуыздæр æмæ иууыл тыхджындæрты номы фæдыл.
Цæгатирыстойнаг командæйы сконды архайдтой 35 спортсмены.
Ӕндæр æмæ æндæр кары къордты æмæ уæзы категориты фыццаг бынæттæ бацахстой Давид Гасанбеков, Азæмæт Валеев, Александр Васильев, Тыбылты Марат, Дзукъаты Зæлинæ. Спортсменты ерыстæм цæттæ кодта республикæйы сæйраг тренер Фардзинты Роберт.
Фыццагады уæлиздзаутæ æмæ призертæ хорзæхджын æрцыдысты грамотæтæ, майдантæ æмæ кубоктæй, афтæ ма бацыдысты Уæрæсейы æмбардгонд командæйы скондмæ, кæцы райсдзæн хайад панкратионæй Европæ æмæ дунейы фыццагады.