ЦХИНВАЛ, 27 мар — Sputnik, Уалыты Диана. Цхинвалы цæрджытæ цæуынц Уæрæсейы минæварадмæ Хуссар Ирыстоны, цæмæй сæвæрой дидинтæ Кемеровойы базарадон центр "Зимняя вишня"-ы зынгсирвæзты бабынуæвджыты рухс нæмттæ арынæн.
Зынгсирвæзт æрцыд 25 марты æмæ ссис фæстаг сæдæ азы æрцæугæ егъау зынгсирвæзттæй иу амæттæгты нымæцмæ гæсгæ – трагеди ахаста иууыл къаддæрæй 64 адæймаджы цард.
Хуссар Ирыстон ацы уæззау рæстæджы дих кæны Кемеровойы цæрджыты рис.
"Беслæны фæстæ афтæ каст, ахæм трагеди кæй нал æрцæудзæн. Ам та æвиппайды æрцыд ахæм æбуалгъ трагеди, æмæ йæ адæймаг нал зоны, цы хъуыды кæна. Тынг тæригъæд сты сывæллæттæ æмæ сæ ныййарджытæ. Зæгъæн дæр ын нæй, куыд зын нын у", — загъта цæрджытæй иу.
Раздæр трагедийы тыххæй республикæйы аивтой хиирхæфсæн мадзæлттæ иууылдæр, кæцытæ хъуамæ ацыдаиккой Культурæйы кусæджы боны цытæн.
Кемеровойы цыппаруæладзыгон базарадон центры зынгсирвæзт æрцыд хуыцаубоны. Трагеди ахаста 64 адæймаджы цард – сæ фылдæр хай сты сывæллæттæ.