Зæгъойты Алан ссис ӔЦСК-ы æртæ хуыздæр хъазджытæй иу

"Ӕфсæддонты" хуыздæр хъазæгыл нымад æрцыд æрдæгхъахъхъæнæг Александр Головин, дыккаг бынатыл – голкипер Игорь Акинфеев, Зæгъойты Алан та ис æртыккаг бынатыл
Sputnik

ЦХИНВАЛ, 2 апр — Sputnik. Мæскуыйаг ӔЦСК-ы æрдæгхъахъхъæнæг Зæгъойты Алан ссис æртыккаг клубы популярон хъазджыты номхыгъды, фанатты æрфарсты фæстиуджытæм гæсгæ, хъусын кæны РИА Новости.

"Ӕфсæддонты" официалон сайты информацимæ гæсгæ, хъуыздæр хъазæгыл нымад æрцыд Александр Головин, дыккаг бынатыл ис голкипер Игорь Акинфеев, Зæгъойты Аланы та фæцис æртыккаг бынат.

Головин дыккаг хатт сезоны мидæг ссис мæйы хъуыздæр хъазæг, амæй размæ ма хуыздæр хъазæгыл уый нымад æрцыд июлы фæстиуджытæм гæсгæ.