Цхинвалы радон хатт уагъд ӕрцыд хыгъдон концерт сывӕллӕтты кафджыты студи "Кафт"-ы. Ӕвзонг кафджытӕ кӕсджыты зӕрдӕ балхӕдтой сӕ аивӕрдӕхтӕй ӕмӕ фидауцджын пластикӕйӕ.
Сценӕйыл равдыстой ӕрмӕст кавказаг кӕфтытӕ нӕ, фӕлӕ ма сюжетон композицитӕ, кӕцытӕ дзырдтой ирӕтты фӕтк ӕмӕ ӕгъдауы тыххаей. Ацы аз ма кӕсджытӕн равдыстой ног кӕфтытӕ дӕр, кӕцыты кӕсджытӕ райстой зӕрдиагӕй.
Студи "Кафт", кӕцыйы сӕргълӕууӕг у Хуссар Ирыстоны ӕмӕ Абхазы сгуыхт артисткӕ Майя Четион, уӕвы 2000 азӕй. Майя Четионӕй дарддӕр ма студийы ахуыргӕнджытӕ сты Джиоты Къоста, Кӕркуысты Алена ӕмӕ Бестауты Ирма.